Sáminuorra, Suoma Sámi Nuorat ja Norgga Sámiid Riikkasearvvi Nuoraidlávdegoddi leat álggahan oktasaš prošeavtta man ulbmilin lea čohkket sámi nuoraid Norggas, Suomas, Ruoŧas ja Ruoššas ovtta sadjái ságastallat nuoraid boahtteáiggi sámi politihka birra.

Deaivvadeapmi lea Gárasávvonis 18.-21.10.2007. Gávnnadeamis besset nuorat miehtá Sámi oahpásnuvvat ja digáštallat sámi servodaga birra ja das man láhkai sahttá váikkuhit sámiide guoskevaš áššiide.

Prošeavttain hálidit nannet sámi nuoraid identitehta, kultuvrra ja giela ja čájehit nuoraide ahte Sámis eai gávdno riikkarájit.